Аҟәа Аиааира апроспект аҿы ирҿыцуп ауаажәларратә транспорт аангыларҭа. Араҟа ҩымз инарзынаҧуа аиҭашьақәыргыларатә усурақәа мҩаҧысуан. Урҭ ирылагаанӡа аконкурс рылаҳәан. Аангыларҭа аиҭарҿыцра 500 нызқь мааҭ артәеит. Раҧхьаӡа жәиҧшь метра ауреи, хә-метрак аҭбаареи змоу аангыларҭа ахыб иқәыргеит х-машьынак агәамсам, нас уи аиҭарҿыцра нап адыркит. Аплитка ҿыц шьҭарҵеит, абордиурқәа рыҧсахит, амозаикала ишьақәыргло апанно ареставрациа азыруит.
Источник: www.sukhumcity.ru
