афото: Е. Ҵышәба
Ареспубликатә ауаажәларратә еиҿкаара «Аҧсадгьыл» алахәылацәа Аҟәа ақалақь ахада Беслан Ешба имшира идырныҳәалеит.
Адныҳәалараҿы иаҳәоит:
Ҳаҭыр зқу Беслан Фиодор-иҧа!
Иахьа шәара шәнапы алакуп акыр аҭакҧхықәра зцу аус. Ачымазара ҿыц ицәырҵыз иахҟьаны уи аҭакҧхықәра еиҳахеит. Аха шәҟазшьа шыҟоу еиҧш, ауадаҩрақәа ицәырҵуа риааишьагьы шәақәшәоит.
Шәара аус ахьыжәуазаалакгьы есымша апрофессионалра аашәырҧшуан, иахьагьы уи рбарҭоуп аус зцыжәуа, ақалақь ауааҧсыра. Аҳәынҭқарра ахадарагьы уи гәаҭаны ауп аҭакҧхықәра зцу аус зшәыдыргалаз.
Ареспубликатә ауаажәларратә еиҿкаара «Аҧсадгьыл» алахәылацәа рыхьӡала ишәыдаҳныҳәалоит шәымш ира, ишәзеиӷьаҳшьоит агәабзиара, аҧхьаҟагьы ауадаҩрақәа шәыриааиртә еиҧш агәамч.
Ишәыцыз аманшәалара!
