Аҟәа ақалақь Ешба имҩаду, 189,191 рҿы игылоу жә-еихагылак змоу аҩнқәа рфасадқәа рырҽеира иаҿуп.
Ас еиҧш иҟоу аҩнқәа аремонт рзуразы рхы иадырхәо атехника ҳамаӡам Аҧсны, аха иҳамоуп аиҭашьақәыргылара знапы иадыруа альпинистцәа. Аҟәа ақалақь акоммуналтә департамент урҭ аусура иадрыҧхьалеит.
Аҩнқәа рааигуара аус зуа ирҳәоит аҧсшьацәа арҭ аҩнқәа рҭагылазаашьа иџьшьаны ишахәаҧшуа. Аибашьра еилгеижьҭеи Аҧсны 28 шықәса ҵуеит, аха аҩнеихагылақәа уажәгьы уи ашьҭақәа рнуп.
Виолетта Гәымба Ешба имҩаду,189 игылоу аҩнаҿы дынхоит 1987 ш. раахыс. Лара аҩны ааигәара аус луеит, иагьылҳәоит атуристцәа анаауа ишҭырхуа уамашәа ибаны. Виолетта Гәымба илҳәоит аҩнаҿы инхо зегьы имҩаҧысуа аусқәа ишреигәырӷьо.
Аҟәа ақалақь акоммуналтә департамент адиректор ихаҭыҧуаҩ Руслан Аҩӡба иазгәеиҭоит аусурақәа раан зхаҭабзиара ҳараку аматериалқәа рхы ишадырхәо.
Аҟәа ақалақь ахадара аусбарҭақәа егьырҭ аусурақәагьы мҩаҧыргоит.
